نفسى احبك يا مصر

شعر : مينا ناصف

اهداء لشهداء ثورة 25 يناير ولشهداء ماسبيرو

نفسى احبك يا مصر

نفسى ولادى يتربو فى خيرك

نفسى اعشق بس نيلك

نفسى اشوف شعبك محترم واصيل

ميرميش فى الشارع سيجارة

ولا يخلى مقلب زبالة فى مدخل عمارة

نفسى اشوفك مش محتاجة

من بلاد العرب الزبالة

نفسى احميكى

من قسوة الناس بيكى

نفسى اشوفك ست العالم

نفسى تكونى مدنية

تجمعى ولادك بحرية

نفسى متفرقناش كلمة

هو دة حلم قليل عليكى ؟